Kuchh bhooli bisari yaaden
kuchh toote phoote sapne
Phir aaj machalte hain dil men
Jab sath men hum-tum rahte the
kabhi hanste the kabhi rote the
Ek pyar ka dhaga tha humme
Par jaane kyon jhagadte the
Un baton ko man soch- sochkar
Asmanjas men pad jata hai
Kuchh bhooli bisari yaaden......
Jyada kuchh kab chaha tumse
Bas saath tumhara manga tha
Jeevan ke tedhe raston pe
Humrah banana chaha tha
Jaane tum kyon rooth gaye
In baton men man uljha hai
Kuchh bhooli bisari yaaden......
Un dino aur bhi kuchh baten thin
Dard tha par hasin raaten bhi thin
Kuchh aur dost the jo rahte the kareeb
Achanak waqt ne sabko juda kar diya
Kisi ne bhi palat ke nahin dekha peechhe
Wo sari baten yaad aati hain tadpati hain
Kuchh bhooli bisari yaaden
Kuchh toote phoote sapne
Phir aaj machalte hain dil men
2 comments:
Mazak zindagi isse bada mazak nahi,
Uljaha gaye jo ek bar koi rah nahin
Gire jo asman se iss jamin ne tham liya,
Ye inayat hai mere dost ek mazak nahi.
Naseer
Kadam ladkhadayen sambhalna hai mumkin..
Khayalon ke par kutarna hai bilkul namumkin..
Post a Comment